Pas gjetjes së drogës në kontejnerin e mishit në portin e Durrësit janë vënë në pranga dy persona të dyshuar se kanë lidhje me krimin.
Ata janë, Arben Ferizi, dhe agjenti doganor Egert Vargu.
Nga kërkimet e kryera rezulton se 39-vjeçari Vargu me detyrë agjent doganor, ka qenë edhe anëtar i PS në këshillin bashkiak Tiranë.
Në faqen zyrtare të Bashkisë së Tiranës, Vargu rezulton këshilltar në këshillin bashkiak, si dhe anëtar i Komisionit të Financës dhe Buxhetit.
Në profilin e tij në “Facebook”, Egert Vargu ka postuar një foto të agjencisë “AG Shpk”, e cila është në emrin e bashkëshortes së tij.
