Kryeministri Edi Rama gjatë pjesëmarrjes në prezantimin e librit të Enver Hoxhajt, “Përplasja e Madhe” ka ngritur një sërë pyetjesh për liderët perëndimorë për çështjen e burgosjes së drejtuesve të UÇK-së.
Ai ka bërë një pyetje për perëndimin nëse Putini apo Rusia kanë dorë në gjykatën e Hagës.
“Për të vazhduara te një element tjetër që është shumë i vlefshëm për ne për të kuptuar edhe gjyqin e Hashim Thaçi dhe udhëheqësve të tjerë që në këndvështrimin tonë shumë personal është një arsye shumë e fortë për Perëndimin që të ndalet dhe të reflektojë për çfarë ka bërë me atë gjykatë dhe a është ajo gjykatë nën dorën e Putinit dhe të Moskës?”, tha kryeministri.
