Ish-kryeministri Sali Berisha replikoi sot në Kuvend me kryetarin e grupit të PS-së, Taulant Balla për rezolutën për gjenocidin në Srebrenicë. Balla tha se në 7 korrik, ditë që është vendosur të votohet rezoluta për gjenocidin, Sali Berisha ka njoftuar protestën.
“Të lutem tani, se nuk ja vlen të merresh me ty. Sa i përket bashkëpunëtorit të Millosheviçit, zotëria që zgjohet vonë dhe vjen këtu të kujtojë bashkëpunimin e vjetër me Millosheviçin dhe thyerjen e embargos dhe kërkon të përdorë çështje të rëndësisë kombëtare për qëllime personale, Kuvendi nuk mund të bëhet pis.
Sa i përket rezolutës, kur të mblidhemi këtu në 7 korrik për të kujtuar viktimat në Srebrenicë, zotëria ka thirrur protestë” tha Balla.
Kryetari i PD-së, Sali Berisha u ngrit në foltore duke kërkuar fjalën, por Lindita Nikolla nuk ia dha duke i kërkuar “Uluni zoti Berisha. Lironi foltoren” tha ajo. Ish-kryeministri me mikrofonin fikur, pas përgjigjes me akuza për Ballën u ul.
