Pas shumë orë debatesh, Kuvendi ka miratuar këtë të enjte aktin normativ për kompensimin e biznesve që ndërtojnë vepra publike.
Zv.kryetarja e Kuvendit, Ermonela Felaj bëri publik rezultatin duke thënë se prezent ishin 109 deputetë, ku 75 prej tyre votuan pro, 33 kundër dhe një abstenim.
Gjatë seancës kanë qenë deputetët e opozitës të cilët kanë kundërshtuar aktin normativ, duke akuzuar qeverinë se po i ndan paratë me oligarkët.
I vetmi deputet nga shumica që ka kritikuar aktin ka qenë Erion Braçe, i cili tha se ka mungesë transparence.
