Forcat ruse shënojnë një “autogol” ndërsa Vladimir Putin numëron humbjet në Ukrainë. Anija e marinës u mbyt kur goditi një minë ruse në brigjet e Mariupol.
Sipas informacioneve, anëtarët e ekuipazhit janë të gjithë në gjendje të mirë shëndetësore.
Kjo nuk është hera e parë që marina ruse përballet me një humbje të konsiderueshme. Në prill, ajo humbi një nga anijet e saj më të mëdha, “Moskva”.
Megjithatë, ky aksident nuk ka kaluar pa u vënë re nga përdoruesit e internetit.
“Ne presim një konfirmim për ‘vetëvrasjen’ e anijes ruse”, thotë një përdorues, ndërsa një tjetër thotë me njëfarë ironie se bëhet fjalë për “një operacion special nën ujë”.
Disa përdorues përmendin me shaka se anija Moskva donte shoqëri në fund të detit.
