Kryeministri i Kosovës, Albin Kurti është shprehur se ajo që ka ndodhur para 27 viteve në Srebrenicë nuk është asgjë më pak se gjenocid.
Ai është shprehur se dëmet e asaj masakre po vazhdojnë të ndihen dhe në ditët e sotme.
“Dëmi i shkaktuar nga gjenocidi i Srebrenicës është i shumëfishtë. Ai shkon përtej 8.273 burrave dhe djemve të vrarë. Përtej 30 mijë fëmijëve e pleqve të abuzuar e të shpërngulur me dhunë. Dëmi i shkaktuar transferohet secilin vit te dhimbja e nënave. Lotët e motrave. Traumat e përjetuara. Vuajtjet e pakontrolluara.
Dëmi i shkaktuar nga gjenocidi nuk mund të riparohet. Por ai mund të njihet duke u pranuar. E në kohën kur jetojmë ne, viktimave u vendoset kripë në plagë secilën ditë kur gjenocidi i Srebrenicës mohohet paturpshëm nga Serbia,” është shprehur ai.
