Policia italiane ka arrestuar një shqiptar 40-vjeç, emri i të cilit nuk bëhet i ditur, që ishte shpallur në kërkim ndërkombëtar, pasi ishte dënuar nga Gjykata e Tiranës me 25 vite burg për vrasje, armëmbajtje pa leje dhe grabitje.
Shqiptari ishte në kërkim që prej vitit 2000, kur pas një grabitjeje në Shqipëri kishte vrarë një person dhe më pas ishte zhdukur.
Që prej asaj kohe, fshihej në Itali, nën gjeneralitete të rreme.
Ai është arrestuar pas hetimeve të autoriteteve italiane, në bashkëpunim me ato shqiptare, dhe pritet ekstradimi i tij drejt Shqipërisë për vuajtjen e dënimit.
