Një grup qytetarësh aktivistë për mbrojtjen e Butrintit, kundër dhënies me koncesion kanë protestuar sot përpara parlamentit në nisje të seancës plenare.
Në nisje të protestës, disa prej efektivëve u kanë kërkuar protestuesve që të mos bllokojnë rrugën ku do të kalojnë deputetët.
“Të lutem kalo atje. Të lutem mos më kundërshto. Është vendkalimi ku do të kalojnë deputetët. Mos të dukem gjë ilegal? Jam ku e kam emrin (tregon uniformën)” dëgjohet duke thënë një efektiv policie.
Por njëri prej protestuesve e ka kundërshtuar. “Kush je ti? Ti zbato ligjin. Unë protestoj se kam të drejtë” i tha ai.
“Dihet që do të votohet. Ata thonë do të bëhet se sikur themi ne, po ne të tjerët çfarë dimë? Shkuam në Kuvend dhe na del Shalsi dhe thotë nuk do të hyni.
Pse Butrinti duhet të kalojë në komisionin e Ekonomisë dhe Kulturës, dmth ky është mall tregu? Dhe e dytë ky është më skandaloz që mund të ndodhë” tha Apollon Baçe.
Sot shumica socialiste në Kuvend do të rrëzojë dekretin e Presidentit Ilir Meta, që ktheu ligjin për menaxhimin e Butrintit duke i vendosur vulën koncesionit.
