Presidenti në largim i Shqipërisë, Ilir Meta është pritur këtë të premte me nderime të larta shtetërore nga presidentja e Kosovës, Vjosa Osmani.
E nisi dhe e mbylli mandatin si president në Kosovë, Meta është shprehur në Facebook se Shqipëria dhe Kosova t’i mbrojnë shpinën njëra-tjetrës.
“ËSHTË JETIKE QË SHQIPËRIA DHE KOSOVA T’I MBROJNË SHPINËN NJËRA-TJETRËS!
Shumë i lumtur të zhvilloj sot vizitën e fundit zyrtare në Prishtinë, si President i Shqipërisë, në një ditë kaq të mrekullueshme për kombin tonë, 12-vjetorin e konfirmimit nga Gjykata Ndërkombëtare e Drejtësisë e pavarësisë së Kosovës.
Një nga ditët më të bukura për mua të cilën pata fatin ta përjetoja si Ministër i Jashtëm i Shqipërisë.
Shqipëria dhe Qeveria e saj në atë periudhë bënë çdo gjë për këtë triumf të drejtësisë ndërkombëtare në bashkëpunim të ngushtë me partnerët ndërkombëtarë”, shkruan Meta.
