Katër shqiptarë janë arrestuar në Greqi, pasi akuzohen se kanë kryer 45 vjedhje në zonën e Janinës.
Shuma e sendeve të vjedhura, të fshehura në bodrumin e një shtëpie arrin në vlerën e 30 mijë eurove.
Gjatë hetimeve të kryera në bastisje, efektivët e policisë gjetën 1560 euro, 8100 lekë shqiptare si dhe pasuri të vjedhura, përfshirë një pushkë gjuetie dhe dy biçikleta, të cilat ishin përdorur nga autorët në vjedhjet dhe u sekuestruan. Siç doli nga hetimet paraprake, ata kanë vënë në shënjestër shtëpi dhe magazina, të cilat nuk kanë ngurruar t’i thyejnë edhe kur banuesit ndodheshin brenda.
