Policia e Tiranës, ka zbuluar një postë private në Tiranë e cila transportonte mallra ilegalisht. Si rezultat kanë përfunduar në pranga 2 pronarët Altin Luma dhe Devis Kokolli, të cilët lejuan që mallrat të transportoheshin pa faturat tatimore përkatëse apo deklarata doganore për origjinën e tyre.
2 pronarët janë nën akuzë edhe për punësim të paligjshëm.
Njoftim
Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, organizuan dhe finalizuan operacionin policor të koduar “Last box”.
Si rezultat u bë arrestimi në flagrancë i shtetasve:
– A. L., 50 vjeç dhe D. K., 39 vjeç, të dy banues në Tiranë, për veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave që janë kontrabandë”, “Fshehja e të ardhurave” dhe “Punësimi i paligjshëm”.
Gjatë kontrollit të ushtruar në një subjekt shërbimi postar, në rrugën “Eshref Frashëri”, me administrator shtetasin D. K. dhe ortak shtetasin A. L., shërbimet e Policisë gjetën dhe sekuestruan, në cilësinë e provës materiale, mallra dhe produkte të ndryshme, pa faturat tatimore përkatëse apo deklarata doganore për origjinën e tyre.
Gjatë kontrollit në këtë subjekt janë gjetur edhe 2 shtetase, të punësuara në mënyrë të paligjshme. Materialet i kaluan Prokurorisë, për veprime të mëtejshme p
