Gjykata e Posaçme kundër krimit dhe korrupsionit ka caktuar masën “arrest me burg” për Bledar Zenelin.
Ai u arrestua nga SPAK për shkak të nxitjes së terrorizmit dhe propagandimit të mesazheve të ISIS-t në rrjetet sociale. Zeneli u pa i përlotur në burg dhe ka mohuar akuzat e bëra.
“Nuk janë mesazhe terrorizmi, s’kanë lidhje me ISIS-n. Unë kam shpërndarë citime nga Kurani dhe imamët,” është shprehur ai.
Zeneli, 30 vjeç dhe me profesion murator, ka kërkuar lehtësim të masës së sigurisë pasi ka dy fëmijë të vegjël dhe është i vetmi që sjell të ardhura në shtëpi, kështu është shprehur ai para gjyqtare Flora Hajredinaj.
