Me pankarta nëpër duar, qytetarët kanë dalë përpara Ministrisë së Brendshme në formë proteste pas vdekjes së 7-vjeçares Jonada Avdia në Himarë.
Siç shihet nga pamjet, mesazhet kryesore janë thirrjet për dorëheqjen e ministrave.
Shoqëria civile ka bërë thirrje për dorëheqjen e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nano dhe ministres së Turizmit, Mirela Kumbaro, duke i bërë përgjegjës për ngjarjen tragjike.
Në mbështetje të kësaj proteste ka dalë edhe Partia Demokratike, si dhe Partia e Lirisë.
