‘Ndërprisni pushimet, ngrihuni në këmbë dhe shuani zjarret’. Ky është apeli i kryetarit të Partisë së Lirisë, Ilir Meta, për autoritetet teksa shpreh shqetësimin për zjarrin në Elbasan ku sipas tij po digjet kurora e gjelbërt e qytetit.
“Kurora e gjelbërt e Elbasanit, pasuri publike natyrore, vazhdon për orë të tëra të shkrumbohet nga zjarri, papërgjegjshmëria dhe indiferenca shtetërore. Megjithë alarmet e ngritura asnjë ndërhyrje efektive dhe asnjë masë. Ndërprisni pushimet, ngrihuni në këmbë dhe shuani zjarret”, ka shkruar Meta në Facebook.
