Presidenti i SHBA-së, Donald Trump, ka rikthyer tensionet me Iranin përmes një postimi të publikuar në platformën e tij, Truth Social. Ai ka shpërndarë një imazh të gjeneruar nga Inteligjenca Artificiale, i cili duket se ka për qëllim të transmetojë një paralajmërim të qartë në arenën ndërkombëtare.
Fotografia tregon Trumpin me kapelen e tij të njohur “MAGA”, duke drejtuar gishtin drejt kamerës, ndërsa ai rrethohet nga anije luftarake në ujëra të trazuar, ku disa prej tyre mbajnë flamuj iranianë. Sfondi i rejeve të dendura gri krijon një atmosferë tensioni dhe pasigurie.
“Qetësia para stuhisë,” shkruan Trump në postim, duke i dhënë imazhit një ton paralajmërues dhe dramatik. Sipas raportimeve të New York Times, ky postim mund të sinjalizojë një rritje të aktiviteteve ushtarake, me mundësinë e rifillimit të bombardimeve ndaj Teheranit në ditët e ardhshme.
