Deputeti Petrit Vasili dhe Koordinatorja Kombëtare e Luftës kundër Korrupsionit në Partinë e Lirisë, Briseida Shehaj përmes një konference për mediat kanë denoncuar sot skemën e kredimarrjes nga inceneratori i Fierit.
Shehaj dhe Vasili denoncuan se kompania e Klodian Zotos vuri peng kontratën e shtetit për të marrë kredi në banka për ndërtimin e inceneratorit.
“Janë 3 komponentë, kredimarrja e para. Në 15 nëntor të 2016-ës, kompania pasi ka firmosur kontratën merr kredi në verës 2.2 mld dollarë. Ajo që e bënë edhe më të rëndë faktin, është se dorëzantit për këtë kredi, dorëzani është dhe kompania Albtekenergy.
Është e qartë se si këto kompani janë palë të lidhura dhe në këto kontrata vazhdon njësoj. Barra bie te shqiptarët. Kontratë kredie tjetër. Në vitin 2020 ku kanë marrë kredi duke u bazuar te VKM për COVID-in, për pagat e punonjësve.
Në shtator 2020 kompania vendos të përfitojë sërish nga riskedulimi për paratë nga COVID. Përfitojnë nga urdhri i kryeministrit dhe i guvernatorit të BSH. Pika tre është miratimi për marrjen e një kredie në shumë 3 mln dollarë me afat 3 vjeçar për rimëkëmbjen e aktivitetit” tha Shehaj.
“Morën kredi dhe peng vendosën kontratën e shtetit, taksat dhe gjithçka brenda. Vijnë me duar në xhepa, qeveria vendos milionat dhe këta i vendosin peng. Nuk mjafton kjo por edhe garancia sovrane nga shteti” tha Vasili.
