Një bar në Mynih të Gjermanisë ka gjetur një mënyrë interesante për të tërhequr klientë dhe që ata të mos paguajnë.
Pronari i lokalit ka zgjedhur që klientët të këmbejnë një litër birrë me 1 litër vaj lule dielli. Sipas tij dali të gjithë të fituar, pasi ai siguron sasinë e nevojshme të vajit për të skuqur salsiçet dhe patatet gjatë dimrit.
Me Rusinë e Ukrainën, që përllogariten në thuajse 80% të eksportit global të farës e vajit të lulediellit, shumë vende europiane, mes tyre edhe Gjermania, po mundohen të sigurojnë furnizimet, dyfish nga viti i shkuar, që nga nisja e pushtimit rus në Ukrainë në fund të shkurtit.
Menaxheri i lokalit thotë se ka gjetur këtë mënyrë interesante, për të mos u lodhur vetë duke gjurmuar marketet, në këmbim të një shishe vaj luledielli, ofron 1 litër birrë, në zgjedhje të lirë të vetë klientit.
Në Gjermani, javët e fundit, në raftet e supermarketeve ka pasur mungesa të shisheve me vaj luledielli dhe për dyqanet, furnizimi është i limituar, në vetëm 30 litra vaj në javë. Dhe llogaritë janë të thjeshta: në një pub një litër birrë kushton 7 euro ndërsa 1 shishe vaj luledielli, një litërshe, kushton 4,5 euro. Kështu, edhe klienti del me fitim.
