Forca të shumta policia kanë vijuar kontrollin e banesave pranë autostradës Fier-Vlorë.
Indrit Sadedini, të cilit i është bërë atentat me tritol në 2021 është një nga emrat në banesën e të cilit është kryer kontrolli i parë.
Ende nuk dihet nëse policia ka mundur të zbuloj diçka nga Sadedini, por atij në dhjetor të vitit të kaluar iu vu tritol në makinën e tij, të cilën e kishte parkuar në lagjen “10 korriku” në Vlorë. Ai mbeti i plagosur rëndë.
Sadedini ishte pronari i lokalit në zonën e Ujët të Ftohtë ku mbeti i vrarë Arben Beqiraj, dhe të akuzuarit kryesor ishin Shpati Lena dhe Eduard Xhezo.
