Një 25-vjeçare është shpëtuar nga një pishinë në Tiranë. Fillimisht u raportua se 25-vjeçarja me iniciale E.T. kishte ndërruar jetë.
Policia bëri të ditur se pasi mbërriti në pishinën në Linzë konstatoi se 25-vjeçarja ishte në gjendje të rëndë.
Pasi ka marrë ndihmën e parë mjekësore nga stafi i ambulancës, është transportuar në spital dhe ndodhet nën kujdesin e mjekëve.
Tiranë/Informacion paraprak
Më datë 22.08.2022, është marrë njoftim se në ambientet e pishinës së një lokali në Linzë, ishte mbytur një vajzë.
Shërbimet e Policisë kanë shkuar menjëherë në vendngjarje dhe kanë konstatuar brenda në pishinë, shtetasen E. T., 25 vjeçe, në gjendje të rëndë, e cila ishte e shoqëruar nga shtetasi O. M., 32 vjeç.
Shtetasja E. T., pasi ka marrë ndihmën e parë mjekësore nga stafi i ambulancës, është transportuar në spital dhe ndodhet nën kujdesin e mjekëve.
Grupi hetimor po punon për sqarimin e rrethanave të ngjarjes.
