“5pyetjet.al” mëson detaje të reja nga atentati që ndodhi në mesnatë në tregun e Milotit, ku u qëllua në një atentat Besim Zeneli 60 vjeç, banues në fshatin Shullaz, Kurbin.
Ai ishte duke mbyllur tregun e fruta perimeve kur një person e qëlloi pas shpine.
I plagosuri ndodhet në gjendje të rëndë në spitalin e Traumës në Tiranë.
Fjalia e vetme që ka thënë pas ngjarjes shënjestra ishte “më erdhi si hije nga pas dhe më qëlloi. Nuk e pashë kush ishte”. Autori nuk është arrestuar.
Ende nuk ka një pistë konkrete ku po hetohet për atentatin, por paraprakisht mësohet dy vëllezërit e Zenelit disa vite më parë janë përfshirë në një ngjarje të rëndë në Milot.
Nuk dihet nëse kemi të bëjmë me hakmarrje apo atentati lidhet me konfliktet e mundshme në biznes.
