7 gushti është data kur është parë për herë të fundit Ervis Martinaj, që rezulton i zhdukur.
Kamerat e kanë kapur në Tiranë në një makinë në lëvizje dhe prej andej nuk ka më asnjë gjurmë.
Dy janë njerëzit e fundit që ka takuar, agjenti i policisë Lami që është arrestuar dhe vajza që ishte me biznesmenin në hotel.
Dhoma në hotel rezulton të jetë marrë në emër të punonjësit të policisë, i cili e ka çuar atje.
Më pas ka qenë po Lami që e ka larguar Martinajn dhe vajzën nga hoteli.
Por kush është VIP-i?
Në media flitet se është një nga VIP-at e ekranit. Vajza është identifikuar dhe marrë në pyetje nga policia, që nuk e tregon emrin e saj.
Zhdukja e mistershme e Ervis Martinajt nuk përjashtohet që të jetë krim. Nuk është e çuditshme që të kemi të bëjmë me një rrëmbim të tij.
Kjo për faktin se në dy vitet e fundit biznesmenit të basteve iu vranë shokët njëri pas tjetrit në atentate.