Kurbini u trondit mbrëmë nga një vrasje me armë zjarri. Policia ka shoqëruar disa persona në komisariat pas atentatit, ku mbeti i vrarë 40-vjeçari Ilir Lika.
Të shoqëruarit dyshohet se mund të kenë dijeni për rrethanat e ngjarjes dhe po merren në pyetje nga grupi hetimor.
40-vjeçari u qëllua me armë zjarri pranë banesës së tij dhe, megjithëse u transportua me urgjencë drejt Spitalit të Traumës, nuk arriti t’u mbijetonte plagëve.
Ndërkohë, policia ka zgjeruar perimetrin e sigurisë në zonën ku ndodhi krimi dhe vijon kontrollet intensive për identifikimin dhe kapjen e autorit ose autorëve.
