20 ditë nga zhdukja ende nuk ka asnjë të dhëna nga policia mbi fatin e biznesmenit Ervis Martianj. Asnjë reagim nuk ka pas as nga familja e tij.
Pak ditë më parë i ati, Mustafa Martinaj drejtoi gishtin nga Indrit Dokle. Por ish-numri dy i bandës së Durrësit mohoi që të jetë i përfshirë në zhdukjen e tij.
E ndërsa shumë është folur për jetën kriminale, pak është lakuar ajo familjare e “mbretit” të basteve.
Ervis Martinaj është një nga familjet e dëgjuara nga Kurbini. Origjinën thuhet se e ka nga Martinajt e Plavë-Gucisë së Malit të Zi.
Ai është vendosur me familjen në zonën e Fushë-Kuqes. Ervis Martinaj, babai i katër fëmijëve ka studiuar jashtë vendit dhe pasi u kthye u fut në biznesin e lojërave të fatit.
Por ky lloj biznesi shënoi një kthesë të fortë në jetën e tij pasi u implikua në disa ngjarje kriminale duke u skeduar disa herë nga drejtësia.
Ngjarjet ku akuzohet se është përfshirë janë të shumta. Tashmë është denoncuar i zhdukur.
Nuk dihet nëse kemi të bëjmë me një inskenim apo e kanë gjetur rivalët dhe e kanë eliminuar.
