Mbrëmjen e sotme polica arriti të finalizonte operacionin “1Maji”, nga ku ra në pranga një ish-polic në Kuçovë.
49-vjeçari quhet Sokol Dardha. Ai është kapur me drogë gjatë kontrollit të ushtruar nga inspektorët e antidrogën në automjetin e tij, tip “Ford”.
Në makinën e tij tip Ford, janë gjendur gjithashtu 10 doza lënde narkotike dhe vaj hashashi, por ende nuk konfirmohet lloji i lëndës narkotike.
Dardha ka punuar në Policinë e Shtetit deri në vitin 1997. Ai sapo ka mbërritur në ambientet e DVP Berat ku edhe do të merret në pyetje në lidhje me aktivitetin e tij kriminal.
Mësohet se policia ishte njoftuar në rrugë operative për veprimtarinë e tregtimit të lëndëve narkotike që ky shtetas ushtronte prej disa kohësh në qytet.