Një 5-vjeçar është plagosur aksidentalisht nga një i mitur me biçiklete.
Ai ka shkuar menjëherë në spitalin e Korçës, por për shkak të goditjeve në kokë, është transportuar në Tiranë.
Njoftimi i policisë
Më datë 29.08.2022, rreth orës 16:40, në Spitalin e Korçës, ka mbërritur për mjekim një i mitur 5-vjeçar, banues në fshatin Sovjan, Maliq, i cili duke luajtur në fshat, është goditur aksidentalisht nga një i mitur tjetër me biçikletë. Për pasojë 5-vjeçari ka marrë dëmtime në kokë dhe pas mjekimit të marrë në Spitalin e Korçës u transportua në Tiranë, për mjekim më të specializuar.
Grupi hetimor po punon për sqarimin e rrethanave të ngjarjes.
