Dy persona u ekzekutuan pasditen e sotme në Tiranë.
Vëllai vrau vëllanë dhe kunatën. Viktima është Dritan Muskurti 44 vjeç dhe gruaja e tij Nora Muskurti.
Vëllai i viktimës, autori i krimit Arsen Muskurti është shpallur në kërkim.
Ngjarja ka ndodhur brenda ambienteve të një agjencie turistike në rrugën “Islam Alla”, që menaxhohej nga dy viktimat.
Dyshohet se shkak për vrasjen janë bërë konfliktet e pronësisë.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
