Arsen Muskurti është autori i vrasjes së vëllait dhe kunatës në Tiranë.
Dritan Muskurti dhe Nora Muskurti janë dy viktimat e mbetur nga sulmi me armë që ndodhi këtë të martë.
Vëllai i viktimës, autori i krimit Arsen Muskurti është shpallur në kërkim.
Ngjarja ka ndodhur brenda ambienteve të një agjencie turistike në rrugën “Islam Alla”, që menaxhohej nga dy viktimat.
Autori i vrasjes së dyfishtë njihet edhe me emrin Hamza Kastrati.
Njoftimi i policisë:
Më datë 30.08.2022, në rrugën “Islam Alla”, dyshohet se si pasojë e një konflikti familjar, shtetasi A. M., dyshohet se ka qëlluar me armë zjarri drejt vëllait të tij shtetasit D. M., 44 vjeç, dhe një shtetaseje tjetër, ende të paidentifikuar, (dyshohet bashkëshortja e shtetasit D. M.) të cilët si pasojë kanë ndërruar jetë.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
Grupi hetimor nën drejtimim e Prokurorisë po punon për sqarimin e plotë të rrethanave të ngjarjes.
