Ish-Presidenti Ilir Meta shprehet edhe njëherë kundër nismës së Open Balkan dhe pro Procesit të Berlinit.
Reagimi vjen pas shkrimit të “EurActiv”, referuar studimit të bërë nga ‘Rockefeller Brothers Fund’ që shkruan se nisma e Ballkanit të Hapur ka një ndikim negativ në rajon.
“Çdo nismë jotransparente dhe përçarëse që i shërben protoganizmit dhe dominimit të një vendi në dëm të vendeve të tjera në rajon vetëm efekte negative mund të ketë.
Procesi i Berlinit duhet të mbështetet nga të gjitha vendet e rajonit si rruga më efektive e arritjes së objektivave të përbashkëta europiane” shkruan ai.
Ballkani i Hapur është një nismë e Edi Ramës, presidentit serb Vuçiç dhe ish-kryeministrit maqedonas Zoran Zaev. E kundërshtuar nga Kosova, Mali i Zi (me përjashtim të Abazovic) dhe Bosnjës.
