Moody`s konfirmoi pa asnjë rishikim notën e borxhit sovran të Shqipërisë, në “B1 me perspektivë të qëndrueshme”.
Në raport merret në analizë merret performanca e përgjithshme ekonomike dhe financiare e vendit.
Ajo që bie në sy më së shumti në këtë dokument është rishikimi i projeksioneve për rritjen ekonomike të vendit tonë këtë vit dhe vitin e ardhshëm.
Sa i përket vitit aktual, agjencia ka rritur projeksionet, duke u treguar më optimiste. Moody`s parashikon një rritje ekonomike pranë 3.8% këtë vit, nga 3.4% që parashikonte gjatë pranverës.
Por, për vitin e ardhshme vijnë lajme të këqija, pasi agjencia ka shkurtuar projeksionet, nga 3.6% në vetëm 2.5%.
