Dritan Abazoviç Kryeministri i Malit të Zi, tha sot se ai ka qenë dhe do të jetë kryeministri i vendimeve të vështira dhe se do vazhdojë të jetë i tillë deri në fund. Gjithashtu ai tha se nëse nuk do të ketë më pozicionin e kryeministrit do vazhdojë të jetë pjesë e politikës së vendit me një pozicion tjetër.
‘Do të doja të flisja shkurt, pa mbingarkuar askënd me atë që ka ndodhur më parë, nënshkrimi i marrëveshjes është e rëndësishme për të gjitha rajonin. Unë jam kryeministri që marr vendime të vështira, këtu nuk do marr të lehta. Ajo që kemi sot është po ndryshojmë këndvështrimin ndaj asaj që ka qënë. Nëse unë do jem kryeministër mirë, nëse jo vizioni im politika ime do të konfirmohet në një pozicion tjetër por edhe nga opozita nëse do jetë e nevojshme. ‘- deklaroi Abazoviç.
