Ismet Çekorja, 58 vjeç u ekzekutua ditën e djeshme në mes të qytetit të Shkodrës. Ai u nxor në prit nga një person ende i paidentifikuar dhe më pas u ekzekutua.
Dy ditë para vrasjes ai në një deklaratë për media mbrojti djalin e tij në lidhje me një tjetër atentat të ndodhur. Bajrami, i biri tentoi të vriste Alban Bruçin dy javë më parë me 20 plumba. Ky i fundit fatmirësisht shpëtoi pa lëndime.
Çekorja ndodhej vetëm pak metra larg banesës kur autorët kanë shtënë në drejtim të tij.
Viktima, pak ditë më parë, përmendi vrasjen e Arjan Ferracakut, Fatos Ferracakut, plagosjen e Admir Bajrit, vrasjen e Naim Bajrit, atentatin ndaj shefit të Policisë Bashkiake në Malësinë e Madhe apo edhe rastin e fundit, atentatin ndaj Alban Bruçit, ngjarje këto për të cilat Çekorja u shpreh se djali i tij nuk ka asnjë lidhje dhe se me këta persona dhe fise kishte marrëdhënie shoqërore.
