Deputeti i PD-së, Belind Këlliçi ka denoncuar sërish sot skandalin e inceneratorëve.
Ai tha se janë 430 mln euro të parave të qytetarëve që po vidhen nga qeveria dhe bosët në kërkim.
“Siç inceneratorët, me faktet e bëra publike nga opozita, e kanë dëshmuar, Edi Rama bën milionerë një grusht njerëzish.
Inceneratorët e Fierit, Elbasanit dhe Tiranës nuk djegin asgjë. Veç 430 milion eurove të parave publike dhe tokën nën këmbët e Edi Ramës.
Për këtë ai nxjerr shërbyesit e pushtetit për të manipuluar me dosje Sigurimi për kundërshtarët politikë.
Apo çon ruspat për të prishur pishinat ku deri dje lahej, pronë e një botuesi, të cilin deri dje e kishte mik për zemër.
Ai nuk e përballon dot popullin opozitar te i cili më 7 korrik ka parë një kundërshtar të fuqishëm;
Ai nervozohet nga opozita e re e cila është në këmbë, dhe për më shumë është e vërtetë, jo gjasme dhe jo part-time;
Ai e di se një pushtet i blerë vjen me një datë skadence.
Partia Demokratike, ashtu si gjatë verës, do të vazhdojë edhe në muajt e vjeshtës me hetimet.
Ne do të protestojmë për apatinë e SPAK dhe do të kërkojmë aleancë me të gjithë faktorët” tha ai.
