Ushtria ukrainase zmbrapsi disa ofensiva ruse në rajonin lindor të Ukrainës, Donetsk, tha shtabi i përgjithshëm i ushtrisë në një përditësim të situatës të martën.
“Njësitë e Forcave të Mbrojtjes të Ukrainës mbajnë pozicionet e tyre dhe parandalojnë armikun të avancojë më thellë në territorin e Ukrainës”, tha Shtabi i Përgjithshëm.
Ushtria zmbrapsi sulmet e armikut në zonat e vendbanimeve Dolyna, Soledar, Novobakhmutivka, Kodema, Zaitseve, Avdiivka, Mariinka dhe Lyubomirivka të rajonit Donetsk.
Ushtria ukrainase pretendoi gjithashtu shkatërrimin e objektivave ruse në rajonin e Donetskut, por edhe përgjatë frontit jugor.
