Kryetari i PD-së, Sali Berisha ka gjatë një konference me gazetarët dhe ekspertë të sigurisë kombëtare është shprehur se është NATO që do ta mbrojë vendin tonë.
Berisha ka folur dhe për lidhjet mes Ballkanit të hapur dhe i ka cilësuar si një problem kryesor të sigurisë së vendit dhe të Kosovës.
“Dëshira e Ramës për të rreshtuar Shqipërinë, vendin anëtar të NATO-së, me Serbinë, e cila në të gjitha kohërat është e njohur si Rusia e Vogël. Në këtë kontest, shqiptarët duhet të ishin të parët që ta kundërshtonin si projekt. Por fatmirësisht është qeveria e Kosovës që nuk u pajtua me projektin.
Në të vërtetë kjo aleancë aq sa përbën një problem të pamohueshëm për sigurinë kombëtare, aq problem edhe për rendin, sigurinë dhe luftën ndaj krimit. Janë pikërisht në këtë aks, lëvizin, operojnë, bandat më të fuqishme të Ballkanit. Atje ishte Bjellivuku, këtu janë Bjellivukët e tjerë, por në një farë mënyre ‘Ballkani i Hapur’ është një Ballkan i hapur për krimin, drogën, për pasigurinë,” ka thënë Berisha.
