Gonzalo Higuain rezultoi vendimtar në ndeshjen Inter Miami-Columbus Crew (u pezullua për dy orë e gjysmë për shkak të motit të keq). Ai realizoi dy golat e skuadrës së tij (pronar është David Beckham), që fitoi me rezultatin 2-1 dhe ngjitet në kuotën e 37 pikëve.
Nëse skuadra nga Miami ende ëndërrojë hyrjen në play-off-in të Konferencës Lindore të Major League Soccer, shumë nga meritat i shkojnë Gonzalo Higuain, protagonistit absolut në suksesin ndaj ekipit të Columbus.
Ndeshja që u pezullua për dy orë e gjysmë për shkak të motit të keq, përfundoi pas mesnate.
Argjentinasi fillimisht zhbllokoi rezultatin në minutën e 25-të, por Columbus barazoi brenda pjesës së parë me Cucho. Gjithsesi, argjentinasi e gjeti sërish rrugën e rrjetës 8 minuta para fundit të kohës së rregullt.
Higuain, i shpallur lojtari i ndeshjes, u intervistua përfundimisht nga Kaylyn Kyle, një ish-futbolliste kanadeze e cila kërkoi ndihmën e një përkthyesi nëpërmjet telefonit për të komunikuar me ish-in e Realit, Napolit, Juves e Milanit.
