Qeveria ka nisur fushatën për kursimin e energjisë nga fëmijët.
Ministrja Balluku ishte sot te shkolla “Lasgush Poradeci” për t’u shpjeguar si të kujdesen në shtëpi për të kursyer energjinë.
Ministrja tregoi edhe disa “sekrete” të vogla që sjellin kursim të madh të energjisë duke shkaktuar edhe të qeshura.
“Kur të shkoni në shtëpi mos harroni t’i thoni mamasë që dera e frigoriferit nuk duhet të qëndrojë hapur. Vëllait që të heqë karikuesin nga priza.
Kemi edhe një veprim që qeshim. Kur gjyshin e zë gjumi përpara TV-së. Kur t’i afrohesh për ti marrë telekomandën në atë moment ai zgjohet dhe thotë mos e fik.
Ai është momenti që duhet të fiket TV-së se nuk po e ndjek askush dhe kursejmë energji” tha ajo.
