Kanë kaluar 12 ditë që nga momenti i fundit që familjarët panë Meledin Adilit, 23 vjeç nga Borja i Kukësi.
Ditën e zhdukjes së tij, moti ishte i keq dhe me stuhi, fillimisht një telefonat në polici ngriti dyshimet se i riu u strehua në çadrën e ndonjë turisti. Kjo pasi nga një numër ukrainas, u dëgjua një zë që fliste sllavisht, por që prej asaj telefonat policia nuk mundi të gjente asgjë tjetër.
Policia ka kërkuar ndihmën e ambasadës së Ukrainës në Tiranë për rastin e Adilit.
Operacioni i kërkim shpëtimit që ende vijon është shtrirë në të dy anët e kufirit. Në anën e Kosovës, veç policisë në kërkim janë përfshirë edhe forca të FSK–së, Shoqatës së Kosovës për Kërkim-Shpëtim dhe vullnetarë.
