Prej 5 ditësh ende vijon që të jetë i zhdukur Meledin Adili.
26-vjeçari nga fshati Borje i Kukësit kishte dalë nga shtëpia dhe ishte drejtuar për në Bjeshkët e Sharrit, ne kufirin Shqipëri – Kosovë për të mbledhur boronica. Por prej atij momenti humbi kontaktet me familjen.
Operacioni i kërkim shpëtimit që ende vijon është shtrirë në të dy anët e kufirit. Në anën e Kosovës, veç policisë në kërkim janë përfshirë edhe forca të FSK–së, Shoqatës së Kosovës për Kërkim-Shpëtim dhe vullnetarë.
Operacionit i është bashkuar edhe Njësia e Reagimit të Shpejtë si dhe hetuesit rajonal të Dragashit për të marrë rastin në kompetencë.
FSK-ja ka përdorur për kërkim edhe qentë e terrenit dhe motoçikleta me 4 rrota për terren malore.
Po ashtu kanë bërë edhe Policia e Kukësit. Bjeshkët po kontrollohen edhe me dronë. Por 5 ditë kërkime intensive nuk kanë dhënë rezultat. Nga i riu ende nuk ka asnjë gjurmë.
