Kryeministri Edi Rama ka hedhur poshtë duke rrëzuar pretendimet e Sali Berishës, se ka ndërhyrë për të mbyllur dosjen e lobimit rus të Lulzim Bashës në gjyq për ta mbajtur peng.
“Ai që ju quani kryetar i PD-së është turpi i kujdo që e sjell si pikë referimi. Nuk është turpi i askujt tjetër, veçse atyre që verbërisht e ndjekin, që vazhdon si pikë referimi në botën e informacionit. Është monumenti i gënjeshtrave, shpifjeve dhe akuzave dhe është prurësi më i madh i llumit moral, gjuhësor, njerëzor në jetën shqiptare. Ju prisni që unë ta marr seriozisht. A nuk është i njëjti që mohoi me forcë financimet dhe i vuri gjoksin dhe e mbrojti Bashën. Ku hyj unë në këtë mes? Ku është dora ime? Ai po ju tërheq prej hunde të gjithëve ju, jo mua dhe PS-në. Por ju që e pranoi që ta konsideroni si pikë referimi. Basha doli dhe tregoi një përrallë me 500 aksioner nga diaspora që dhanë lekët pa vendosur emrat. Shumë shpejt do të duhet të habiteni edhe për cështje të tjera. Do të habiteni dhe do të thoni mos ke pasur ti “gisht” për t’i mbyllur” tha ai.
