Kryeministri Edi Rama e ka pranuar sot që ish-zyrtari i lartë i FBI-së Charles McGonigal që po hetohet në SHBA është miku i tij. Por, ai tha se dosja që po hetohet në SHBA nuk ka asnjë lidhje me të.
“Ai ka qenë dhe është miku im, por nëse ka një çështje në SHBA është çështje e tij. Lëreni të flasë drejtësia. Është një çështje në SHBA, nuk ka asnjë lidhje me mua apo qeverinë. Asnjë biznes” tha ai.
Ish-zyrtari i lartë i FBI-së është vënë në shënjestër të prokurorëve amerikanë. Charles McGonigal ka dalë fshehtas para një jurie të madhe. Ai është akuzuar për lidhje me Rusinë dhe qeveri të tjera të huaja.
Në lajmin që publikoi “BuisnessInsider”, ai përshkruhet me lidhje në Bosnjë Hercegovinë, Shqipëri, Kosovë dhe Malin e Zi. Në artikull ai citohet si mik i kryeministrit Edi Rama.
