Një person është arrestuar nga policia në Korçë për trafik emigrantësh. Ai është Artan Hoxhaj 44-vjeç, që kundrejt fitimit po i transportonte.
Ai u kap në aksin rrugor Korçë-Pogradec, në afërsi të fshatit Leshnicë, duke transportuar me mjetin furgon tip “Fiat”, në drejtim të Tiranës, 24 emigrantë të paligjshëm, të cilëve kundrejt shpërblimit iu kishte premtuar kalimin drejt vendeve të BE-së.
Materialet i kaluan Prokurorisë pranë Gjykatës së Shkallës së Parë Korçë, për veprën penale “Ndihma për kalim të paligjshëm të kufijve”.
