Kreu i Partisë së Lirisë, Ilir Meta ka treguar se treguar se teksa vendi po zhytet në varfëri, kryeministri Edi Rama po paguan në kurriz të popullit 80 mijë euro për të pasuruar inceneratorët.
Ai është shprehur se situata është e tillë, pasi çdo ditë e më shumë po shënojnë rritje të taksave, për të larë borxhet e maga aferës së inceneratorëve.
“Ndërkohë që sipas Eurostat, 43% e popullsisë rrezikohet nga varfëria, Edi Rama paguan çdo ditë 80.000 euro pronarët në arrati të inceneratorëve fiktivë, “kryeveprën” e aferës së tij korruptive.
Shantazhet absurde të tij për fëmijët dhe prindërit, që të mos bëjnë shënime në librat e shkollës se do të kenë sanksione apo thirrjet për kursim të energjisë duke “shpikur” shembuj nga Zvicra se si qytetaret futen në burg për ngrohjen me kondicioner tregojnë degradimin e pashpresë të regjimit më të korruptuar në kontinent që shton shpenzimet e luksit dhe aferat korruptive në këto kohë krizash.
Shporrja e kësaj bande të korruptuar dhe të inkriminuar është e vetmja rrugë për t’u ndarë pergjithmonë me korrupsionin galopant, varfërinë në rritje dhe përjashtimin social të shumicës dërrmuese të shqiptarëve,” u shpreh ai.
