Gent Ibrahimi dhe Besnik Dervishi kanë qenë dy kandidatët në garën për gjyqtarë në Gjykatën Kushtetuese.
Besnik Dervishi është tërhequr nga gara, për arsye që ende nuk dihen dhe kështu është ndërprerë dhe verifikimi i figurës së tij. Dervishi ka mbajtur postin e komisionerit për të Drejtën e Informimit dhe Mbrojtjen e të Dhënave Personale.
Nga ana tjetër, për Gent Ibrahimin, Këshilli i Emërimeve në Drejtësi ka përcaktuar një ekspert kontabël, për të analizuar dhe kontrolluar, raportin e Ibrahimit për sa i përket pasurisë dhe pastërtisë së figurës.
Ibrahimi ka mbajtur postin e kreut të Këshillit të Lartë të Prokurorisë.
