Kryetarja e Autoritetit të Dosjeve, Getiana Sula është shprehur pro hapjes totale të të gjitha dosjeve të periudhës së komunizmit.
“De-klasifikimi do të lehtësojë punën, do të ulë kohën e pritjes. Kjo është një pengesë” tha ajo.
Por deputeti i PD-së, Oerd Bylykbashi kishte një tjetër mendim. “Unë mendoj se dosjet janë të gjitha të hapura.
Në fund rezultati do të jetë lustracioni. Jo të bëjmë rrëmujë. Kujt i del emri ikën nga funksioni me ligj.
Por nuk pranoj faktin që dosjet janë të mbyllura, dosjet për mua janë të hapura” tha ai.
