Kreu i SPAK-ut, Arben Kraja u shpreh se tashmë që u hapën negociatat kërkohet produkt. Ai kërkoi një reagim të fuqishëm kundër situatës së kriminalitetit ku ndodhet vendi.
Hetimet, tha më tej Kraja janë të shtrira në disa drejtime; korrupsioni i të gjitha niveleve, krimi dhe pastrimi i parave.
“Vendi ndodhet në një fazë të rëndësishme të integrimit. Sapo janë hapur negociatat dhe të gjitha institucionet janë të përfshira.
Tani nuk kërkohet të kemi vetëm institucione, por edhe produkt. Duke përfshirë situatën e kriminaliteti, që kërkon një reagim të fuqishëm të zbatimit të ligjit.
SPAK përbëhet nga prokuroria dhe BKH dhe është në fazë delikate të kapërcejë problemet e fillimit. Hetuesit janë të gjithë në punë.
Të gjithë tepër aktiv në ushtrimin e detyrave të tyre. Kemi shumë hetime të rëndësishme për krimin, pastrimin e parave dhe korrupsionin e të gjitha niveleve. Është momenti për të ecur përpara” tha ai.
