Deizi Arapi është kthyer në qendër të vëmendjes jo vetëm në Bilisht për shkak të ngjarjes së sotme duke rikthyer jehohën e disa javëve më parë. 27-vjeçares i dogjën makinën dhe për këtë ajo akuzoi se ka gisht deputeti Bledion Nallbati pas një konflikti të vjetër që në kohën që ishte në krye të bashkisë.
“4 vite më parë mamaja ime është pushuar nga puna si pastruese padrejtësisht dhe unë jam konfliktuar me ish-kryebashkiakun Bledion Nallbati (aktualisht deputet).
Pas konfliktit mu dogj makina e parë. Dje gjatë gjithë ditës më ka ndjekur një person me të cilin dhe kam shkëmbyer fjalë mbrëmë. Ai është punonjës i karburantit në pronësi të Bledion Nallbatit”, është shprehur Deizi Arapi.
Deputeti paralajmëroi se do ta padiste për shpifje. Por reagimet nga Deizi vazhduan të forta në rrjetet sociale.
Mes disa postimeve, i fundit ka një mesazh nga vajza prej Bilishti. “Juve ju rritet inati, mu po m rritet keshi” shkruan 27-vjeçarja në postim mbi makinën e djegur.
