Mbretëresha Elizabeth ishte një pjesë e veçantë e historisë botërore. Vdekja e saj më 8 shtator shënoi fundin e një epoke. Por përveçse mbretëreshë ajo ishte edhe një nënë e përkushtuar ndaj katër fëmijëve të saj. Mbretëresha Elizabeth kishte katër fëmijë. Më i madhi është Mbreti Charles i cili lindi më 17 nëntor 1948. Fëmija i dytë i saj është Princesha Anne e cila lindi më 15 gusht 1950. Më 19 shkurt 1960 ajo lindi Princin Andrew dhe më 10 Mars 1964 Princin Eduard.
Princi Charls
Princi Charles lindi me prerje cezariane në dhomën Buhl në Buckingham. Për lindjen e trashëgimtarit të fronit britanik, salla e përdorur si bujtinë u shndërrua në një spital në miniaturë. Mbretëresha ishte vetëm 22 vjeç kur lindi Charles dhe nuk ishte e zakonshme në atë kohë që burri i monarkes të ishte i pranishëm në lindje. Raportohet se lindja ka zgjatur mbi 30 orë.
Princesha Anne
Ajo erdhi në botë më 15 gusht 1950. Ajo lindi në orën 11.50 të mëngjesit dhe peshonte 2.5 kg. Edhe pse ajo lindi të tre fëmijët e saj në Buckingham, Princesha Anne lindi në Clarence House ndërsa pallati po rinovohej pas luftës. “Ajo është vajza më e ëmbël”, tha Princi Philip pas lindjes së vajzës së tij. Në të vërtetë, ai piu një gotë shampanjë për të festuar ardhjen e vajzës së tij. Nëna Mbretëreshë ishte menjëherë në krah të vajzës së saj, në Clarence House.
Princi Andrew
Djali i dytë i familjes ka lindur më 19 shkurt 1960, në orën 3.30 të pasdites. Ai lindi në Buckingham, në suitën belge. Në Crown pamë që Mbretëresha Elizabeth lindi djalin e saj të dytë me një metodë që nuk është më e zakonshme. Ajo u vu nën anestezi të përgjithshme dhe mjekët e nxorrën fëmijën me pincë.
Princi Eduard
Djali më i vogël i Mbretëreshës Elizabeth dhe Princit Philip lindi më 10 mars 1964, në orën 8.20 dhe peshonte 2.5 kg. Princi Philip ishte i pranishëm në lindje dhe mbante dorën e gruas së tij. Në libër zbulohet: ‘Unë dhe burri im. Historia e një martese mbretërore 70-vjeçare. Mbretëresha Elizabeth ishte 37 vjeç në atë kohë dhe i kërkoi të shoqit të ishte atje. Filipi ishte princi i parë në historinë moderne që ishte i pranishëm në lindjen e gruas së tij”.
