Është bërë virale një video teksa trajneri i skuadrës Neftçi Baku, Laurentiu Regenkampf, është përleshur me bashkëshorten e tij në rrugë.
Anamaria Prodan, edhe ajo një agjente futbolli, debatoi me trajnerin para se të niste dhuna. Ish-çifti nga Rumania nuk janë përmbajtur dhe janë përleshur fizikisht në mes të rrugës, me trajnerin që ka goditur me shuplakë dhe grushte ish-gruan e tij.
Sipas mediave rumune, pas kësaj dhune të dy janë shoqëruar drejt komisariatit dhe kanë marrë urdhër mbrojtjeje.
Anamaria Prodan thotë se trajneri Regenkampf ka qenë i dehur dhe ka hyrë me dhunë në shtëpi duke e kërcënuar dhe duke e shtyrë.
