Paraditen e sotme prindërit dhe fëmijët e kopshtit “Zybeide Hanim” kanë protestuar përballë Kryeministrisë.
Prindërit e cilësojnë vendimin e Këshillit të Ministrave për mbylljen, si të padrejtë dhe i kërkojnë qeverisë së drejtuar nga Edi Rama që të tërhiqet.
“I kërkojmë qeverisë që të anulojë vendimin. Kemi pak shpresë” tha njëri nga prindërit.
Prindërit kanë dalë me pankarta dhe janë të shoqëruar nga fëmijët 3-6 vjeç që ishin pjesë e këtij kopshti. Pas kopshtit u mbyll edhe kolegji “Mehmet Akif”.
Qeveria thotë se kopshti dhe kolegji nuk plotësonin standardet, por opozita akuzon se pas qëndron kërkesa e Erdogan.
