Kreu i Partisë së Lirisë, Ilir Meta ka reaguar sërish për ligjin e Amnistisë Fiskale, i cili është refuzuar dhe nga partnerët ndërkombëtar.
Meta është shprehur se ai ligj favorizon dhe është i urdhëruar nga bota e krimit.
“Kryeministri Rama të mos provokojë më popullin shqiptar, të mos dëmtojë, vonojë dhe minojë procesin e integrimit europian të Shqipërisë. Të tërhiqet menjëherë nga projektligji për Amnistinë Fiskale, i cili është projektuar dhe urdhëruar nga bota e krimit.
Shpërfillja e papërgjegjshme e Qeverisë ndaj shqetësimeve të partnerëve tanë ndërkombëtarë në luftën kundër krimit të organizuar, është e papranueshme dhe e patolerueshme,” ka shkruar Meta në Twitter.
